27 рейс кешіктірілуде — Астана әуежайы уақытша жабылды

“Қолайсыз ауа райына байланысты Астана халықаралық әуежайының әуеайлағы 30 желтоқсан 09:00-12:00 аралығында жабық. Қазір елорда әуежайына қонатын 27 әуе рейсі кешіктірілуде. Сондай-ақ әуежайдағы ұшу-қону үшін қолайсыз ауа-райы орнауына байланысты әуекомпаниялар рейстерін кейінге қалдыруға шешім қабылдады” деп хабарлайды әуежайдың баспасөз қызметі.
айта кетейік, бұған дейін ауа райының қолайсыздығына байланысты Астана әуежайынан ұшып шығатын 12 рейс және ұшып келуі тиіс 19 рейс уақыты кейінге шегерілгенін жазған едік.

10:00-дегі жағдай бойынша 27 рейс әлі де кешіктірілуде.

Кешіктірілген рейстер келесі рейстердің кешігуіне әкелуі мүмкін, осыған байланысты жолаушыларға әуекомпаниялардың анықтамалық қызметтерінде рейстің мәртебесі мен ұшу уақытын алдын ала нақтылап алғаны жөн.

Сонымен қатар, әуе компанияның кінәсінен рейс кешіктірілген жағдайда, жолаушыларға Қазақстан Республикасының заңнамасында көзделген кешігу ұзақтығына байланысты қызметтер (салқын сусындар, ыстық тамақ, қонақүйде орналастыру) ұсынылады.