«Senat Open 2026» шахмат турнирі: географиясы кеңейіп, қатысушылар құрамы санаттар бойынша қалыптасуда

Алдыңғы апталарда жарыстар Павлодар, Ақтөбе, Қостанай және Қарағанды облыстарында өтіп, онда ардагерлер мен бұқаралық ақпарат құралдары өкілдері арасында турнирлер ұйымдастырылды. Оларға 170-тен астам шахматшы қатысты, бұл турнирге деген өңірлік деңгейдегі жоғары қызығушылықты растады.

Өткен аптада кезеңнің географиясы мен санаттары кеңейтілді. Павлодар облысында мемлекеттік орган қызметкерлері арасында 104 қатысушының басын қосқан жарыстар өтті. Қарағанды облысында 65 адамның қатысуымен күштік құрылым өкілдері арасында ойындар өткізілді. Бұдан бөлек, Көкшетауда ғылым және білім беру саласы қызметкерлері арасында жарыс өтіп, оған 51 қатысушы шықты, сондай-ақ 41 шахматшы қатысқан ардагерлер арасындағы дода ұйымдастырылды.

Осылайша, турнирдің бір кезеңі аясында кәсіби қоғамдастықтар да, аға буын өкілдері де қамтылып отыр. Жарыстарды санаттар бойынша жүйелі түрде өткізу «Senat Open 2026» турнирінің алдағы кезеңдеріне қатысушылар құрамын қалыптастыруға және турнирдің біртұтас республикалық контурын құруға мүмкіндік береді.

Ойындардың кезеңдері жалғасуда, алдағы апталарда жарыстар еліміздің басқа өңірлерінде өтеді, содан кейін ағымдағы кезеңнің жалпы қорытындылары шығарылады.