«Павлодар облысының кейбір әкімшілік-аумақтық бірліктерін қайта атау туралы» Павлодар облысы әкімдігінің 2023 жылғы 28 желтоқсандағы №4 бірлескен қаулысы мен Павлодар облыстық мәслихатының 2023 жылғы 28 желтоқсандағы №105/8 шешімімен Ленин кенті Атамекен болып қайта аталды.
Бірлескен қаулы заңды күшіне енді, – деп хабарлады Pavlodarnews.kz.
Еске сала кетсек, Ленин кентін қайта атау туралы мәселе былтыр көтерілген болатын. Сол кезде елді мекеннің халқы кенттің атауын Атамекен деп ауыстыруды сұраған еді. Өткен жылы облыстық мәслихаттың VIII кезектен тыс сессиясында бірқатар елді мекеннің атауын қайта атау мәселесі қарастырылды. Оның ішінде Ленин кенті де болды.
Павлодар облысы мәслихатының депутаттары елді мекендердің жаңа атауын бірауыздан қолдап, дауыс берді.