Елордалық еріктілер мен коммуналдық қызмет мамандары Ақмола облысындағы су тасқынына қарсы күресте көмектесуде

Астана қаласындағы «Жастар рухы» және «Астана жастарының» 150-ге жуық еріктілері Жібек Жолы кентіндегі (Ақмола облысы) су тасқынына қарсы күресте көмектеседі.

Жібек жолы ауылының маңында еріген су деңгейінің жоғарылауына байланысты бұл өңірде тұрғын үйлерді су басу қаупі туындады. Екі тәулік бойы елорда еріктілері қорғаныш жер білігін нығайтуға көмек көрсетіп келеді.

Ақмола облысы Жібек жолы ауылындағы су тасқынына қарсы күреске елорда әкімдігі қорғаныс құрылысын салу және нығайту жұмыстарын жалғастыру үшін барлық қажетті техниканы, инертті материалдарды, құм салынған қапшықтарды әкелді.

Өткен айдан бастап елорданың коммуналдық қызметінің бір бөлігі Ақмола облысы Жібек жолы ауылына көмек көрсетуге бағытталған.