– Мәдениет және ақпарат министрі Парламент палаталарының бірлескен отырысының алдында адам жүзін бүркемелеп тұратын діни киімдерге тыйым салу ұсынысына пікір білдірді.
Мәжіліс кулуарында БАҚ өкілдерінің сұрағына жауап берген Мәдениет және ақпарат министрі діни киім үлгілерімен байланысты талаптар дін саясатының жаңа тұжырымдамасында көрініс табатынын айтты.
«Біз осы уақытқа дейін тұжырымдаманы талқылап жатқанымызды айттық. Діни саясаттың жаңа тұжырымдамасы бұл. Біз тек қауіпсіздік мәселелері жөнінде айтып отырмыз. Сондықтан нақты шешім әлі жоқ», — деді Аида Балаева.