Фото: Halyq Uni
Синтетикалық есірткіні жарнамалаған 80-нен аса телеграм арна бұғатталды, деп хабарлайды zamandas.kz Halyq Uni.-не сілтеме жасап.
Бас көлік прокуратурасы ақпаратына сәйкес, әлеуметтік желілерді бақылау барысында синтетикалық есірткіні насихаттау, жарнамалау және сату мақсатында құрылған телеграм арналар анықталған.
Нәтижесінде «Кибернадзор» ақпараттық жүйесі арқылы 80-ден астам телеграмм арналары бұғатталды, – делінген прокуратура хабарламасында.
Прокуратура органдары байланыс операторларымен бірлесіп, бақылау шараларын жетілдіруді және платформалармен заңсыз контентті жылдам бұғаттауды жалғастырады.