2025 жылдың 1 мамыр күні Жамбыл атындағы Қазақ мемлекеттік академиялық филармониясының 90 жылдығы мен Қазақстан Халқы Ассамблеясының 30 жылдығы аясында «Гүл Алматы. Flower city» фестивалі өтеді.
Фестиваль 2022 жылдан бастап жыл сайын өткізіліп келеді. Іс-шараның мақсаты – еліміздегі балалар хорын дамытып, жас таланттардың танылуына ықпал ету. Қала қонақтары мен тұрғындары қазақ және әлем классикасының туындыларын, халық әндерінің хорға арналып өңделген нұсқаларын, заманауи авторлық композициялар мен түрлі этностардың музыкалық мұрасын тыңдай алады.