Аманаттықтар халықтың жайлы өмірі үшін!

Ақмола облысында «Агрофирма Бурабай 2007» ЖШС еңбек ұжымымен «АМАNАТ» партиясының Сайлауалды бағдарламасын талқылау бойынша үгіт-насихат жиыны өтті.

Ақмола облыстық мәслихатының депутаттығына партиялық тізім бойынша кандидат Жанар Айтмағанбетова  ауыл шаруашылығы саласына кеңінен тоқталып, кәсіпорынның еңбек ұжымын партияның сайлауалды бағдарламасымен таныстырды.

Мәселен, партиялық бағдарламада ауыл шаруашылығы саласына облыста қазірдің өзінде 10 мың басқа арналған екі бордақылау алаңы, 12,2 мың басқа арналған 175 ет және 8 сүт-тауар фермасы, жалпы қуаттылығы жылына 11,6 мың тонна болатын үш көкөніс қоймасын іске қосу жоспарланған.

Партиялықтар 2027 жылға дейін «Жер аманаты» жобасы аясында 1 миллион гектардан астам ауыл шаруашылығы алқаптарын айналымға тартуды қамтамасыз етуге, заманауи қондырғыларды енгізе отырып, 12,2 мың гектар суармалы жерді қосымша енгізу шараларын қабылдауға, ылғал үнемдейтін технологиялар, 15 сүт-тауар фермасын, сондай-ақ ет өндіруді 5%-ға арттыруға мүмкіндік беретін 202 ет фермасын енгізуге жәрдемдеспек.

«Біздің күш-жігеріміз облыстың ауыл шаруашылығы саласын қолдау мен дамытуға, ауыл еңбеккерлерінің табысын одан әрі арттыруға бағытталатын болады. АӨК субъектілеріне жоғары сапалы тұқым, минералды тыңайтқыштар мен өсімдіктерді қорғау құралдарын сатып алуға субсидиялау жүйесі арқылы қолдау көрсететін боламыз. Өсімдік шаруашылығы мен өңдеу саласындағы 34 жобаның іске асырылуын қамтамасыз етуге көмектесеміз», – деді кандидаттар.

«Ауыл аманаты» жобасы аясында ауыл тұрғындарын жұмыспен қамту мәселелері өз ауылшаруашылық өнімдерін өндіруді қолдау арқылы шешілетін болады, бұл шамамен 3,1 млрд теңгеге 570 шағын несие.

Партиялықтар өз бағдарламасында бағаны тұрақтандыруға көп көңіл бөледі. Осылайша, бағаның өсу қаупі барынша жоғары әлеуметтік маңызы бар азық-түлік тауарларының жедел қорын ұйымдастыруды бақылау қамтамасыз етіледі және жеңілдікті несиелер беру арқылы әлеуметтік маңызы бар азық-түлік тауарларын өндірушілерге қолдау көрсетіледі.

Жыл сайын ауыл шаруашылығы тауарын өндірушілер мен көтерме саудагерлер арасында негізгі азық-түлік тауарларын белгіленген баға бойынша сатып алуды қамтамасыз ету үшін кемінде 900 меморандум жасалатын болады.

«Осының барлығы ауыл тұрғындарын жұмыспен қамтуға, ішкі азық-түлік нарығының тұрақты және үздіксіз жұмыс істеуіне, негізгі азық-түлік тауарлары бағасының өсу қарқынының төмендеуіне ықпал етеді. Біз Сайлауалды бағдарламаның орындалуына қатаң партиялық және қоғамдық бақылауды қамтамасыз ететін боламыз. Біз бірлесе отырып, алға қойылған барлық мақсаттарға қол жеткізе алатынымызға сенімдіміз», – деп қосты спикерлер.

Спикерлер жиналғандарды дұрыс таңдау жасап, «АМАNАТ» партиясының кандидаттарын қолдауға шақырды. Өйткені бұл партия қоғам мен мемлекет игілігі үшін жұмыс істейді. «АМАNАТқа» дауыс бере отырып, сіз әлеуметтік әділеттілікке және барлығына тең мүмкіндіктер жасауға дауыс бересіз!

Ақмола облыстық мәслихаты депутаттарының сайлауында партиялық тізімді ұсынған “AMANAT” партиясы Сайлау қорының қаражатынан төленді.