.фото:gov.kz
Қылмыскер 7 жылға бас бостандығынан айырылды
Ұлттық қауіпсіздік комитеті терроризмді насихаттау және діни алауыздықты қоздыру фактісі бойынша Шымкент қаласының тұрғынына қатысты қылмыстық істі тергеп-тексеруді аяқтады.
Шымкент қаласының қылмыстық істер бойынша ауданаралық соты оны қылмыс жасағаны үшін кінәлі деп танып, 7 жылға бас бостандығынан айырды, – деп хабарлады ҰҚК.
Сотталған интернетте радикалды уағызшылардың дәрістерін зерделеп, Сириядағы діндестерімен байланыста болып, жалған атпен әлеуметтік желіде зорлық-зомбылық экстремизм идеологиялық материалдарын жариялаған.
Сотқа дейінгі тергеп-тексеру барысында оның кінәсі толықтай дәлелденді.
17 қыркүйекте үкім заңды күшіне енді.