Швейцария хорында ән шырқаған тұңғыш қазақ

Фото: alga.peterburg

Шоқан Бектұрғанов Швейцарияның халық хорында ән шырқады, деп хабарлайды Egemen.kz «Алға, Қазақстан» жобасының авторы блогер Иван  Червинскидің жазбасына сілтеме жасап.

Швейцарияның Берн қаласында өтетін халық хоры шарасы 2006 жылдан бері тұрақты ұйымдастырылып келеді. Хор сапында Швейцария, Германия, Қытай, Үндістан, Мали, Бразилия сынды елдердің өнерпаздары ән шырқайды. Дәрігер Шоқан Бектұрғанов отбасымен бірге Берн қаласында тұрады. Швейцарияның арнайы шақыруымен келіп денсаулық сақтау саласында жемісті еңбек етіп жүр.