Әлем кубогында үш алтын жеңіп алды

Қазақстандық жас шахматшылар Грузияның Батуми қаласында өткен 8-12 жас аралығындағы жасөспірімдерге арналған әлем кубогында жеңіске жетті,

Алматылық Ризат Ұлан, Нұрәлі Болашақов және Милан Филиппова үшеуі бірдей 1-ші орынға ие болды.

Қазақстан шахмат федерациясының мәліметіне сүйенсек, жас спортшылар 23 маусымда Батумиде (Грузия) басталып, 2 шілдеде аяқталған 8-12 жас аралығындағы жасөспірімдер арасындағы ФИДЕ әлем кубогына алғаш қатысып отыр. Турнирге барлығы 288 жас шахматшы, оның ішінде 20 қазақстандық қатысты.

Өте жас болғанына қарамастан, Ризат, Нұрәлі және Милана шахмат тарихындағы алғашқы жасөспірімдер арасындағы Әлем Кубогының алтын медальдарын жеңіп алып, жоғары шеберлік пен жеңіске деген мызғымас ерік-жігерін көрсетті. Бұл нәтиже – біздің елімізде шахматты насихаттау үшін ғана емес, сонымен қатар отандық шахмат мектебінің жоғары деңгейінің, жас таланттарды қолдау үшін таңдаған курстың дұрыстығының айқын дәлелі. Чемпиондарымызға жаңа жеңістер тілеймін және олардың жаттықтырушыларына, туыстары мен жақындарына шын жүректен алғыс айтамын, – деді Қазақстан шахмат федерациясының президенті Тимур Турлов.

U08 жас санатында А тобында бірдей ұпай саны – әрқайсысы 6½ – Ризат Ұлан (1733) және Үндістаннан Саттвик Свайн (1567) жинады. Олардың арасындағы 4-ші турдағы кездесу тең аяқталды, ал «қысқартылған» Бухгольц коэффициенті біздің спортшымызда жақсы болды. 1-ші орын үшін күресте Ризат В тобының жеңімпазы Эйден Линьюань Лиді жеңді (1853, АҚШ): бірінші ойында ақ түсте жеңіске жетіп, екінші ойында 1½: ½ тең нәтижеге қол жеткізді.

Сол сценарий бойынша Милан Филиппова (1633) да жеңіске жетті. Алдымен А тобындағы G10 санатындағы қарсыластарымен 6 ұпай жинап, финалда В тобының 2024 жылғы Азия чемпионы Алиса Генриэтта Юнкерді (1735) 1½: ½ жеңіп алды.

А тобында U10 санатында дауды жеңіп алған Нұрәлі Болашақовтың (1843) жеңіске жету жолы қиынырақ болды. Финалда АҚШ-тан келген Лин Ченьсюаньға қарсы (1868) классикадан екі партия да тең аяқталды, ал бірінші рапидте біздің спортшы қарсыласын ақ фигуралармен жеңді. Содан кейін ол шабуылға абайсызда жұлқына жөнелген ақ патшаға мат қойды – 3:1.

Біздің жеңімпаздарымыздың әрқайсысы дәстүрлі марапаттар – кубоктар, медальдар мен дипломдардан басқа, MacBook Air 2022 ноутбугын иеленеді және 2024 жылдың 14-27 қарашасы аралығында Монтесильванода (Италия) өтетін кадеттер арасындағы әлем чемпионатында (World Cadets Chess Championships 2024) толық пансионаты бар 2 орындық бөлмеде тегін тұру құқығын алады.