Қазақстанда жастар күніне арналған ұлттық онкүндік жалғасуда. Алтыншы күн коммуникациялық дағдыларды дамыту, инновациялық әлеуетті қолдау мәселелеріне арналды.
Өңірлерде Ted-X форматында жастармен мотивациялық кездесулер, мемлекеттік қызметтердің жас мамандары арасында сыбайлас жемқорлыққа қарсы сананы қалыптастыруға арналған семинарлар, лекциялар сияқты 100-ден астам іс-шара өткізілді.
Іс-шараларға мемлекеттік органдардың, полицияның, білім басқармасының өкілдері, сарапшылар, сондай-ақ жастар ұйымы қатысты. Жалпы, іс-шаралар 9000-нан астам жасты қамтыды.
Бүгін «Еңбек барын де жеңбек» онкүндігінің жетінші күні. Ол жастардың еңбекке баулу мен экономикалық белсенділігін арттыруға арналған.