Ендігі уақытта студенттер де тұрғын үй кезегіне тұра алатын болды.
Бұл туралы «Отбасы банк» АҚ Орталық филиал директорының орынбасары Дария Батенова «1001 түн» бағдарламасында айтып берді.
«18 жастағы студент үй алуға кезекке тұра алады. Ол кезегі келіп жатқан уақытта әлі студент болған жағдайда оның шәкіртақысы табыс көзі болып табылады. Егер ол жеткіліксіз болса, екі адам кепіл болуы керек», – дейді Дария Батенова.
Бүгінгі таңда Қазақстанда әкімдіктердің кезегінде тұрған азаматтардың ғана мемлекеттің жеңілдетілген бағдарламасы бойынша тұрғын үй сатып алуларына немесе оны сатып алу құқығынсыз баспананы жалға алуларына мүмкіндіктері бар. Мемлекеттің жеңілдетілген бағдарламасы бойынша сатып пәтер алу үшін әкімдікке кезекке тұруға тек Қазақстан Республикасы азаматтарының жекелеген санаттары ғана құқылы екенін атап өткен жөн.