Алматыда оңды-солды ойқастаған көліктің кесірінен жаппай жол апаты болды

0
47
фото: zakon.kz
7 адам ауруханаға жатқызылған

Алматыдағы «Адем» сауда үйіне қарама-қарсы бетте, Солтүстік айналма жолында жаппай жол апаты болды.

Жол-көлік оқиғасына қатыстылардың айтуынша, апатқа түрткі Toyota Camry көлігі Солтүстік айналма жолмен солтүстік бағыттан келе жатқан. Қозғалыс кезінде ол жолдың әр жолағына өтіп, ары-бері ойқастай берген. Осындай маневрлердің бірінде Toyota Chevrolet Cobalt көлігіне соғылады.

Одан кейін Toyota Chevrolet Nexia-ға қарай ұшып кетеді. Соққыдан Nexia жол шетіне ұшып, тротуарға шығып кеткен. Ал бұл кезде Toyota жолдың қарама-қарсы бөлігіне ұшып, Nissan Primera, Mercedes-Benz көліктеріне соқтығысып, ақырында Toyota Land Cruiser Prado-мен бетпе-бет түйісіп барып тоқтайды.

Оқиға орнына жеткен полиция қызметкерлері жол-көлік оқиғасы болған орынды қоршады. Осыған байланысты бұл бағытта көлік кептелісі болды.

Алдын ала ақпарат бойынша, 7 адам ауруханаға жатқызылған. Toyota Land Cruiser Prado-дағы балаларымен қоса, әйел адам зардап шекті. Балалардың бірінің қолы сынғаны айтылады.

Апаттың барлық мән-жайын жол полициясының қызметкерлері анықтайтын болады.

ПІКІР ҚАЛДЫРУ