Алматыда сандықтар көрмесі өтіп жатыр

0
105
Фото: Мемлекеттік орталық музей

 — Алматыдағы мемлекеттік орталық музейде сандықтар коллекциясының көрмесі өтіп жатыр. Көрмеге музей қорындағы 15 сандық қойылды.

Музейдің аға ғылыми қызметкері Рүстембек Шойбековтың айтуынша, қазақ қолөнерінде сандықтар негізінен қайың және қараталдан жасалған.

көрме
Фото: Мемлекеттік орталық музей

Олардың көптеген түрі бар. Кебеже азық-түлік сақтауға арналған.

Сырты терімен қапталып, күміс, мыс шытырларымен, қатырма ою-өрнектермен безендіріліп жасалатын сандықтың түрі жағлан деп аталады.

сандық
Фото: Мемлекеттік орталық музей

«Жасалу материалына, көлемі мен атқаратын қызметіне орай сандықтар жағлан, кебеже, абажа, абдыра, әбдіре, ақырет сандық, қолсандық, шайсандық, ағаш сандық, сүйектелген, оймышты сандық деп аталады. Көлемі шағындау және неғұрлым кішкене келетін әржі, бөгіре, бөгіребас, жағдан, текшесандық деген түрлері де бар»,- деді ол.

көрме
Фото: Мемлекеттік орталық музей

Көрмеге 15 сандық қойылды.

Оның басым бөлігі орталық музей қорындағы ХХ ғасырды қамтитын және әр жылдары еліміздің түрлі өңірінен жинақталған сандықтар.

көрме
Фото: Мемлекеттік орталық музей

Көрме ұлттық дәстүрі мен халқының мәдениетін терең танығысы келетін әрбір азаматқа құнды ақпарат береді.

көрме
Фото: Мемлекеттік орталық музей
сандық
Фото: Мемлекеттік орталық музей

 

ПІКІР ҚАЛДЫРУ