Қазпоштада 270 млн теңгеден астам қаржының ұрланғаны анықталды

0
85

Фото: Halyq Uni

Өңірлік филиалда 11 қылмыстық іс тіркелді

«Қазпошта» АҚ-да 270 млн теңгеден астам қаржының ұрланғаны анықталды, деп хабарлады Halyq Uni тілшісі.

Мекемеде ішкі тергеу жұмыстары жүргізіліп, 2023 жылдың қорытындысы бойынша бірқатар өңірде жалпы сомасы 273 млн теңге болатын қаржылық заң бұзушылықтар анықталды.

Қазір ішкі тексеру материалдары процессуалдық шешім қабылдау және күдіктілерді жауапқа тарту, сондай-ақ келтірілген шығын сомасын өтеу үшін экономикалық тергеу департаментіне жолданды. Заң бұзушылық фактілері қатарында жымқыру, алаяқтық, ұрлық және заңсыз сыйақы алу фактілері бар. Барлығы 7 өңірлік филиалда 11 қылмыстық іс тіркелді, – делінген хабарламада.

«Қазпошта» АҚ орталықта және жергілікті жерлерде түрлі заңбұзушылық әрекеттермен күресті одан әрі жалғастырады және аталған бағыт бойынша құқық қорғау органдарымен бірлесіп жұмыс істейтін болады.

ПІКІР ҚАЛДЫРУ

Оқи отырыңыз