Алматы қаласында Құрманғазы атындағы Қазақ ұлттық халық аспаптар оркестрінде Халықаралық әйелдер күніне орай «Сен үшін» атты авторлық концерт өтті.
Көрермен ұлттық оркестр сүйемелдеуімен әсем әндер мен музыкалық шығармалардан құралған концерттік бағдарламаны тамашалады. Мерекелік кеште оркестрмен бірге Асхат Үрпеков, Ерден Жақсыбеков және Асқар Рысбек өнер көрсетті.
Концерт аясында «Қазақ аруы» атты қыздарға арналған ұлттық киімдер көрмесі ұйымдастырылды. Көрме Абай атындағы Қазақ ұлттық педагогикалық университетінің «Дизайн және графика» кафедрасымен бірлесіп өткізіліп, қонақтарға дәстүрлі қазақ сән үлгілері таныстырылды.