– Парламент қарауына «Нысаналы капитал қорлары (эндаумент-қорлар) туралы» заң жобасы келіп түсті.
«Бұл заң жобасы Мемлекет басшысының тапсырмасы аясында әзірленді. Құжат жобасының мақсаты – университеттер мен ғылыми-зерттеу институттарының жанында құрылатын эндаумент қорларының жұмысын реттеу. Қазіргі кезде эндаумент қорларының жұмысын реттейтін нормалар ғылым және білім туралы заңдарда қарастырылған. Енді барлық норма бір заңда жинақталады», — деді депутат Асхат Аймағамбетов Мәжілістің жалпы отырысында.
Оның айтуынша, аталған заң жобасында эндаумент қорлардың жұмысын реттеу үшін қосымша нормалар ескерілген.
«Мәжілістің Әлеуметтік-мәдени даму комитеті заң жобасы бойынша қорытынды әзірлеуге дайын», — деді депутат.