Zamandas.kz ақпараттық агенттігі
Басты жаңалық

Президент шахматтан әлем чемпионы Қазыбек Нөгербекті құттықтады

Фото: elorda.info

Мемлекет басшысы Қасым-Жомарт Тоқаев шахматтан жастар арасындағы әлем чемпионы Қазыбек Нөгербекті құттықтады.

Президент Үндістанның Гандинагар қаласында өткен әлем чемпионатында құрмет тұғырының ең биік сатысына көтерілген Қазыбек Нөгербекке құттықтау жеделхатын жолдады.

Ел намысын қорғап, үздік шахматшы ретінде гроссмейстер дәрежесін иеленіп, әлем чемпионы атану – зор жетістік. Ұлтымыздың абыройын асқақтататын өзің сияқты алғыр да ақылды ұрпақтың өсіп келе жатқаны қуантады. Алдағы уақытта да жарқын жеңістерге және арман-мақсаттарыңа жете беруіңе тілектеспін, – делінген жеделхатта.

Қазыбек Нөгербек Үндістанның Гандинагар қаласында өткен 20 жасқа дейінгі шахматшылар арасындағы әлем чемпионатында классикалық шахматтан 11 турдан кейін 8,5 ұпай жинады. Қазір оның FIDE-дегі рейтингі – 2501.

Нөгербек инновациялық білім беру бағдарламасында шахматтан педагог-жаттықтырушы мамандығы бойынша оқиды. Бұл жеңіс шахматшыға алтын медаль ғана емес, Әлем кубогына жолдама да алып берді.

Сәйкес жаңалықтар

Президент Жолдауын іске асыру: Үкімет бизнесті қолдау шараларын қайта қарады

Аида Балаева: Білім, ғылым және инновациялар алғаш рет мемлекеттің жоғары құндылықтарының қатарына енгізілді

Алматы музейінде альпинизм тарихына арналған көрме ашылды