Астана қаласының мектептерінде 158 185 баланы қамтитын 2 188 үйірме мен секция жұмыс істейді, деп хабарлайды елорда әкімдігінің ресми сайты.
Биыл қосымша білім берумен қамту 79,9%-ды құрап, өткен жылмен салыстырғанда 7%-ға өсті. Соңғы 3 жылда қалада 13 қосымша білім беру ұйымының филиалдары ашылды.
Бұдан бөлек, Мемлекет басшысының тапсырмасын орындау мақсатында елордада 2029 жылға дейін 15 Оқушылар сарайы салынады. Оның 5-еуі алдағы екі жылда салынатын болады.