Алматылық спортшылар Қазақстан ұлттық құрамасы сапында Каирде (Мысыр) өткен спорттық гимнастикадан Әлем кубогының төртінші кезеңінде сәтті өнер көрсетті.
Алматы қаласы Спорт басқармасы өкілдерінің мәліметінше, Асан Сәлімов тірекпен секіру жаттығуында финалда жоғары шеберлік танытып, күміс жүлдегер атанды.Ат снарядындағы жаттығуда Зейнолла Ыдырысов күміс медаль жеңіп алса, Нариман Құрбановқа қола жүлде бұйырды.
Халықаралық додаға әлемнің 30-дан астам елінен 70-ке жуық спортшы қатысқан.