Қазгидромет 5-7 қыркүйекке арналған күн райы болжамын ұсынды, деп хабарлады turkystan.kz.
Синоптиктер алдағы күндері еліміздің басым бөлігінде жаңбыр жауып, күн күркірейді, екпінді жел соғады деп болжауда.
«Еліміздің солтүстігінде, шығысында және оңтүстік-шығысында нөсер жаңбыр жауады. Қазақстанның оңтүстік-шығысындағы таулы аймақтарда жауын-шашын болады. 5 қыркүйекте қар аралас жаңбыр жауады деп болжанды», – делінген хабарламада.
Қазақстанның солтүстік-батысында, солтүстігінде, шығысында және орталығында түнде және таңертең тұман болуы ықтимал.
Республиканың солтүстігінде, солтүстік-батысында, орталығында түнде ауа температурасы 2-10 градусқа дейін төмендейді, күндіз 10-20 градусқа дейін жылынады.