Түркістан қаласындағы Қожа Ахмет Ясауи атындағы Халықаралық қазақ-түрік университетінде асық атудан Азия чемпионаты мәресіне жетті. Бұл бәсекеде астаналық арулар жеңіс тұғырынан көрінді, деп хабарлайды қала әкімдігінің ресми сайты.
Байрақты бәсекеге 10 мемлекеттен үздіктер қатысып, шеберліктерін ортаға салды.
Ел намысын қорғаған елордалық арулар ең үздік нәтижелерге қол жеткізіп, жеңіс тұғырынан көрінді. Бес асық бойынша жарыста Камила Даниярова алтын медальға ие болса, Назерке Әуелбаева күміс жүлдеге қол жеткізді.
Жарыс ҚР Туризм және спорт министрлігінің қолдауымен, «Самұрық-Қазына» қоры мен «Спорт Қорының» демеушілігімен ұйымдастырылды.