БҰҰ мәліметінше, Үндістан әлемдегі халқы ең көп мемлекет болады.
Қытай мен Үндістан әлем халқының үштен бір бөлігін құрайды. БҰҰ жақын арада Үндістан халқы 1,4257 млрд-қа жетуі мүмкін деп болжам жасап отыр. Бұл Қытай халқынан 2,9 млн-ға көп.
Бұл туралы демографиядағы өзгерістер туралы баяндамада айтылды. Соңғы жылдары Қытайда бала туу көрсеткіштері төмендей бастаған. Сондықтан да Қытай «бір бала» саясатынан бас тартқан.
«Халық саны үрей тудырмауы керек. Керісінше, адамдардың жеке таңдау құқығы сақталса, бұл сандар прогрестің, дамудың және амбицияның өсуінің символы ретінде қарастырылуы керек», деді БҰҰ-ның Үндістандағы өкілі Андреа Войнар.
(Фото: Egemen.kz. сайтынан алынды)