Норвегияда Наурыз мерекесі тойланды
![](https://zamandas.kz/wp-content/uploads/2023/03/2023_03_30_b0fa5a2bf534f0abef340bdcb25a492c_1280x720-905x613.jpg)
«NorKaz» ұйымы мен Қазақстан Республикасының Норвегиядағы елшілігі Наурыз мейрамын атап өтті.
Іс-шара барысында өткен мәдени бағдарлама қазақстандық музыкалық шығармалар мен билерді, қазақ халқының салт-дәстүрлері мен ырымдары туралы викториналарды, сондай-ақ спорт ойындары және т.б. қамтыды. Сонымен қатар қатысушыларға қазақ ұлттық тағамдары, оның ішінде Наурыз көже ұсынылды.
Іс-шара барысында елші Әділ Тұрсынов және «NorKaz» ұйымының жетекшілері Бағытжан Калиев пен Лайла Мукушева сөз сөйледі.
Норвегияның «мұнай астанасы» атанған Ставангер қаласында шамамен 100-ге жуық отандас тұрады. Олардың басым бөлігі мұнай-газ саласындағы компанияларда жұмыс істейді.