Ішкі істер министрлігінің орынбасары Санжар Әділовтің хабарлауынша, аралас жекпе-жек шебері Шавкат Рахмоновтың жұбайы Гүлайым Рахмонованың қатысуымен болған жол-көлік оқиғасының тергеу ісі аяқталуға таяды, – деп хабарлайды Aikyn.kz сайты.
Қазіргі уақытта соңғы кешенді автотехникалық сараптама нәтижесі күтіліп отыр.
ІІМ орынбасары журналистерге берген түсініктемесінде іс ҚР Қылмыстық кодексінің 345-бабы, 3-бөлімі бойынша тергеліп жатқанын атап өтті.
«Тергеудің негізгі әрекеттері дерлік аяқталды. Сараптама нәтижесіне сәйкес айып тағу немесе істі сотқа жолдау жөнінде шешім қабылданады», — деді Санжар Адилов.
Аталған бап бойынша айыпталушы бес жылға дейін бас бостандығынан айырылады және кейбір қызмет түрлерін атқару құқығынан айырылуы мүмкін.