«Қазмедиа орталығында» Қазақстан халқы Ассамблеясы Журналистер клубының медиафорумы ұйымдастырылды. Іс-шара ҚХА-ның 30 жылдығына арналды. Форум «Қазіргі медиакеңістіктегі этножурналистика: үрдістері мен даму бағыттары» тақырыбында өтті.
Форумға ҚР Парламентінің депутаттары, ҚХА мүшелері, отандық медиасфера өкілдері, соның ішінде ҚХА өңірлік журналистер клубтарының төрағалары мен мүшелері, этникалық БАҚ өкілдері, сондай-ақ өңірлік «Қоғамдық келісім» КММ баспасөз хатшылары қатысты.
Медиафорум барысында қатысушылар этносаралық диалог мәдениетін қалыптастыру, толеранттылықты нығайту, тәжірибе алмасу, сондай-ақ этномедиа мен ҚХА журналистер клубтарының қызметін дамыту мәселелерін талқылады. Бұдан бөлек, медиакеңістікте жасанды интеллектіні қолдану тақырыбына ерекше назар аударылды.
ҚХА Журналистер клубы – медиасфера өкілдерін, баспасөз қызметкерлері мен блогерлерді және тәуелсіз сарапшыларды біріктіретін сараптамалық-коммуникациялық алаң. Оның негізгі міндеті – этносаралық тақырыптарды сапалы жариялау үшін мамандарды біріктіру, кәсіби құзыреттілікті, азаматтық жауапкершілікті, құқықтық және медиасауаттылықты дамыту.