Бүгін Қорғаныс министрінің орынбасары Сұлтан Камалетдинов Сенат отырысында Әскери-әуе күштерінің ұшқыштары, әскери жоғары оқу орындарының оқытушылары мен әскери дәрігерлердің жалақысы 30%-дан жоғары өсетінін айтты, деп хабарлайды Egemen.kz.
Қорғаныс министрінің орынбасары атап өткендей, бүгінде кейбір әскерилердің жалақысын көтеру туралы ұсыныстар қолдау тапты.
«Үкімет әскери-әуе күштері ұшқыштарының жалақысын көбейту туралы ұсынысты қолдады. Биыл әскери жоғары оқу орындарының профессорлық-оқытушылық құрамының жалақысын азаматтық жоғары оқу орындарының деңгейіне дейін көтеру мәселесі қарастырылып жатыр. Әскери қызметкерлердің келесі санаты – әскери дәрігерлер. Жалақыны азаматтық сектордағы медицина қызметкерлерінің деңгейіне дейін көтеру ұсынысы да Үкімет тарапынан қолдауға ие болды», деді Сұлтан Камалетдинов.