Қолжетімді қосымша білім

0
156

Білім саласындағы реформалардың бір бағыты – балалардың бос уа­қытын тиімді ұйымдастыру. Аң­ғар­сақ, бірнеше жылда Үкімет бала­лардың шығармашылығын шың­дауға көбірек көңіл бөліп, қала, аудан, ауылдарда үйірмелер бірінен соң бірі ашылды. Астана қаласының оқушыларына да қосымша бiлiм беретiн мектептен тыс ұйымдар қолжетімді.

Қосымша білім беретін ұйымдар тех­никалық, жаратылыстану, туристік-өлкетану, дене шынықтыру-сауықтыру, әлеуметтік-гуманитарлық және көркемдік бағыт бойынша балаларды шыңдайды. Оқушы қай үйірмеге баратынын өзі ше­шеді. Бастысы, бос уақытын пайдалы іске арнаса болды. Қазір балаларға қо­сымша білім беретін мекемелер көп­теп ашылғанымен, жылдан-жылға оқушы­лардың саны да артып жатқанын елеп-ескеру қажет. Өңірлерде қосымша білім беру ұйымдарын ашу бағытындағы сол үшін де үзілген жоқ.

Нақ қазір елордада 11 қосымша білім беретін ұйым бар болса, оның 158 филиа­лы мен 10 community орталығы ашық. Бұған қоса үйірмелерге қатынайтын балалардың үлесін арттыру мақсатында «Bilim park» қосымша білім беру орталығы, «Аrt is Forever» бейнелеу өнері мұражайы, «Muz alem» №2 Балалар музыка мектебінің филиалы, «Saz аlemi» №3 Балалар музыка мектебінің филиалы, «Asyl mura» №1 Өнер мектебінің филиалы жұмыс істейді. Ол аз десеңіз, 2021 жылы қыр­күйекте «Теміржолшылар» кентінде мың­нан аса баланы қамтитын Әл-Фараби атындағы Оқушылар сарайының және «Көктал» тұрғын үй алабында 600 ба­­ла­ны қамтитын М.Өтемісов атын­дағы Оқушылар сарайының филиалдары ашылған. Оқушылардың шығар­ма­­­шылығын шыңдау мақсатында қала әкім­дігінің білім басқармасы шахмат феде­рациясымен бірлесіп, қаланың бар­лық мектебінде шахмат үйірмесін ашуға ықпалдасқан. Тағы да бір жаңа­шыл­дыққа тоқталсақ, әр мектепте домбыра сы­ныбын ашып, оқушылар арасында домбыра оркестрлерін құру жайы да пысықталып жатқан көрінеді. Енді осы өзгеріс оқушыларды бала жастан ел тарихын, әдет-ғұрпы мен дәстүрлерін сыйлап-құрметтеуге үйретеді дегенге үміт басым.

Қазір Астана қаласындағы мектептерде 152 546 оқушы (76,8%) қосымша білім­мен қамтылған. Олар ұзын-саны 2 370 үйірмеге қатынайды. Ал мектептен тыс ұйымдарда және жалпы білім беретін мектептерде 763 спорт секциясына 88 555 (44,5%) оқушы қатысады екен.

 

ПІКІР ҚАЛДЫРУ