Астанада Қазақстан Республикасы Төтенше жағдайлар министрлігінің 30 жылдығына орай ерлер мен әйелдер арасында қоян-қолтық ұрысынан әлем кубогының финалы өтіп жатыр. Турнир Жақсылық Үшкемпіров атындағы Жекпе-жек сарайында өтуде.
Бүгін қатысушылар жаттығудың екі түрінен сынға түсуде: өзін-өзі қорғау және жекпе-жек. Кеше мандаттық комиссия, салмақ өлшеу және жеребе тарту рәсімі өтті.
Жарысқа әлемнің 20 елінен келген 230-дан астам спортшы қатысуда. Олар өз шеберліктерін, рухтың мықтылығын және жеңіске деген жігерін көрсетуде.
Әлем кубогының финалын «Бүкілқазақстандық қоян-қолтық ұрыс ассоциациясы» Қазақстан Республикасы Төтенше жағдайлар министрлігі мен «Batyr team» спорт клубының қолдауымен ұйымдастырды. Турнирдің бас демеушісі Қазақстан құтқарушылары қоры.