Жезқазған қаласында 20 жасқа дейінгі жасөспірімдер арасында шахматтан Қазақстан Республикасының чемпионаты өтті,-деп хабарлайды zamandas.kz.
Қыздар арасындағы классикалық шахматта соңғы тур алдында Алматы қаласынан Мария Холявко мен Көкшетау қаласынан Жанбота Камарова 6,5 ұпаймен көш бастап тұрған еді. Соңғы турда екеуі де өз партияларын жеңіспен аяқтап, мүмкін болған 9 ұпайдың 7,5 ұпайын жинады. Бухгольц коэффициенті бойынша Жанбота Камарова Мария Холявкодан озып, бірінші орынды иеленді.
Бұл жеңіс ақмолалық шахматшыға алтын медаль ғана емес, сонымен қатар республикалық жарыстардың финалдық кезеңіне қатысу құқығын және Перуде өтетін әлем чемпионатына жолдама әкелді.