Орта салмақта WBO чемпионы Жәнібек Әлімханұлы (13-0, 8 КО) екінші орта дивизионда әлемнің абсолют чемпионы Сауль «Канело» Альвареспен (58-2-2, 39 КО) жекпе-жек туралы сұраққа жауап берді, деп хабарлайды Egemen.kz Vesti.kz-ке сілтеме жасап.
Әлеуметтік желідегі оқырман Жәнібектен «Канеломен» жекпе-жекке қашан шығатыны туралы сұраған.
«Канело» туралы сұрақ көп. Онымен кез келген уақытта кездесуге дайынмын. Тактика және техника жағынан да дайынмын. Құдай қаласа, онымен де айқас алыс емес. Жанкүйерлер сияқты мен де ол жекпе-жекті асыға күтемін. Бұйырса, үш раундта құлатамын», деп жауап берді Әлімханұлы.