Фото: Polisia.kz
Түркістан облысында төленбеген 4 млн теңге айыппұлы бар көлік иесі анықталды, деп хабарлайды Egemen.kz Polisia.kz-ке сілтеме жасап.
Патрульдік полицейлер Түркістан облысы аумағында жол қауіпсіздігін қамтамасыз ету бойынша іс-шараларды өткізу барысында Темірлан кенті көшелерінің бірінен Volkswagen Polo автокөлігін тоқтатқан. Тексеру кезінде жүргізушінің 4 млн теңгеден астам сомаға бұрын салынған әкімшілік айыппұлы бары анықталған.
Тәртіп сақшылары автокөлікті айыптұраққа қойып, тиісті шаралар қабылдаған. Сондай-ақ автокөлік иесіне айыппұлды уақтылы төлеу қажеттігі туралы түсіндірген.