Жеңіс Қасымбек Астанаға тартылатын инвестициялар жөнінде айтты
![](https://zamandas.kz/wp-content/uploads/2023/01/0111-1-905x576.jpg)
Астана қаласының әкімі Жеңіс Қасымбек қаланың дамуы үшін инвестициялар тартылып жатқанын әлемжелідегі парақшасында айтты, деп хабарлайды BAQ.KZ.
Әкімнің айтуынша, биыл 30-ға жуық жобаны іске қосу жоспарланған. Жеке инвестициялардың жалпы сомасы 118 млрд теңгеден асады. 2 мыңнан астам жұмыс орны құрылады. Олар өнеркәсіп, медицина, агроөнеркәсіптік кешен салаларындағы кәсіпорындар, білім беру саласындағы 5 нысан (мектептер, балабақшалар), логистика саласындағы 4 жоба, спорт кешендері және т.б.
![](/userfiles/images/326822080_3235284026735346_1786765406586212421_n.jpg)
![](/userfiles/images/325659585_510204687933290_4825741397638761873_n.jpg)
Бүгін индустрия және инфрақұрылымдық даму министрі Марат Қарабаевпен бірге №1 Индустриялық паркте бірқатар кәсіпорынның жұмысымен таныстық. Олардың қатарында ModeX модульдік үй құрылысы зауыты, мамандандырылған техника құрастыру зауыты, витраждар, терезелер, медициналық жабдықтар, жиһаздар, респираторлар және т.б. Кәсіпорын өкілдерімен бірге №1 индустриялық парк бойынша өзекті мәселелерді талқыладық, – деді Жеңіс Қасымбек.