«Мұндай дүрбелеңді күтпеген едік»: Аида Балаева «Оян, қазақ» фильмі туралы

«Барлық жалға беру ұйымдарының өз кестесі бар. Мұндай дүрбелең болады деп ойламадық. Біз шынымен бірдей уақытты таңдадық. Көрермен бұл фильмді жалғастыруға қызығушылық танытқаннан кейін біз оны тағы бір аптаға ұзарттық. Қазір жалға алу мерзімі аяқталды. Көрерменін күтіп жүрген басқа да фильмдеріміз бар. Сондықтан бұл жерде ешқандай мәселе жоқ деп ойлаймын. Бұл фильм «Qazaqstan» телеарнасынан үш рет көрсетілді, бірақ ерекше қызығушылық болмады. Енді бұл фильм көпшіліктің игілігіне айналды. Фильмді You Tube арнасынан көре аласыздар. Сондықтан мен бұл жерде ешқандай мәселе көріп тұрған жоқпын», деді Аида Балаева Үкіметте өткен брифингте.

Оның айтуынша, фильмге көрерменнің қызығушылығы жоғары.

«Қазақстанның сериялық туындылары да табысты болады деген үміттеміз. Бұған дейін түсіргеніміздің бәрі нашар және сапасыз деген стереотип қалыптасқан. Біздің режиссерлер мен продюсерлік компаниялар лайықты фильмдер түсіре алады деп анық айта аламыз», деді Аида Балаева.

Аяна ТОҒАНБЕК