Сенатор рухани сарапшылар және шараны ұйымдастырушылармен талқылау барысында исламдағы отбасының рөлін атап өтті

Сенаттың Әлеуметтік-мәдени даму және ғылым комитетінің төрағасы Нұртөре Жүсіп Қазақстан мұсылмандары діни басқармасы ұйымдастырған «Ислам және отбасы құндылығы» тақырыбындағы конференцияға қатысты.

«Қазақстандағы отбасылық құндылықтар халықтың мәдени және әлеуметтік ерекшелігінің маңызды бөлігі екені ақиқат. Өркендеген қоғамның негізі – үлкенге құрмет, болашақ ұрпаққа қамқорлық және отбасылық қатынастағы үйлесім болып табылады. Отбасы дәстүрін сақтау, оларды жаңа жағдайға бейімдеу үшін қазіргі заман қиындығы мен құбылған кезеңдегі ахуалды ескеру маңызды. Біздің еліміздегі отбасы – ол халықтың тарихы мен дәстүрімен тығыз байланыста бола отырып, дамуды жалғастыратын әлеуметтік құрылымның маңызды бөлігі», – деді Нұртөре Жүсіп.

Сенатор рухани сарапшылар және шараны ұйымдастырушылармен талқылау барысында исламдағы отбасының рөлін атап өтті. Ол отбасы ислам бойынша моральдық тәрбие мен әлеуметтік тұрақтылықтың негізі ретінде саналатынын атап өтті. Қазақстанда ислам негізгі діндердің бірі болып табылады және отбасылық құндылықтар көбінесе ислам ілімінің қағидалары арқылы қалыптасады. Бұл жағдайда балаларға қамқорлыққа, қарым-қатынастағы адалдық пен әділеттілікке, сондай-ақ ерлі-зайыптылар арасындағы өзара сыйластыққа баса назар аударылатыны маңызды. Осы құндылықтар отбасы мүшелері арасындағы қарым-қатынас пен болашақ ұрпақ тәрбиесіне әсер етеді.

«Қазақстандағы отбасы құндылықтарында ислам әсерінің тамыры терең және ғасырлар бойы қоғамдық қатынастарда өзіндік орны бар. Қазақтың неке мен бала тәрбиесі және үлкенге құрметке қатысты көптеген дәстүрлі әдет-ғұрпы ислам ілімімен тығыз байланысты. Сондықтан, ислам қағидалары мен көшпелі өмір салтындағы осы құндылықтар үйлесім таба отырып, қазақ мәдениетінің ерекшелігіне бейімделді», – деп атап өтті Нұртөре Жүсіп.

Сенатор шара соңында отбасылық құндылықтарды ілгерілетуге бағытталған конференция өткізудің маңыздылығын атап өтті. Ол мәдениетті сақтау мен өзгерістерге бейімділік арасындағы тепе-теңдікті сақтауда бұл құндылықтар күшті және үйлесімді қоғамды қалыптастыруда маңызды болып қала беретінін атап өтті.