Алматыда 46 көпбалалы отбасыға пәтер кілті табысталды

0
169
Фото: Алматы қаласы әкімдігінің бапасөз қызметі

Тұрғын үй кезегінде 41 мыңнан астам азамат тұр

Алматыда 46 көпбалалы отбасыға пәтер кілті табысталды, деп хабарлады Halyq Uni тілшісі.

Қала әкімі Ерболат Досаевтың тапсырмасымен кезекте тұрған көпбалалы отбасыларға және халықтың әлеуметтік жағынан осал тобының өкілдеріне Түрксіб ауданы Қонаев атындағы тұтыну кооперативінде («Жас Қанат» ш/а) жалдамалы пәтерлер берілді. Жаңа тұрғын үй кешенінен 46 көпбалалы отбасы пәтер кілтін алды.

Алматы әкімдігі тұрғын үй кешенінде дамыған инфрақұрылымды құруға ден қояды. Мұнда спорт және балалар алаңдары жабдықталған, мектеп бар, жаңа балабақша салынып жатыр, келесі жылы тұрғындардың демалуы мен бос уақытын пайдалы өткізуге арналған орындар бой көтереді, – деді Алматы қаласы Коммуналдық инфрақұрылымды дамыту басқармасы басшысының орынбасары Ғалымжан Әбдішүкірұлы.

Пәтерлердің ауданы – 60 шаршы метрден 85 шаршы метрге дейін. Үй кезең-кезеңімен беріледі. Бірінші кезең тамыздың соңында, екіншісі қыркүйекте басталды. Барлығы 300-ден астам отбасы қоныстанды.

Бұл үйлердің құрылысы 2021 жылы 2020-2025 жылдарға арналған «Нұрлы жер» мемлекеттік бағдарламасы аясында басталған.

Алматыда тұрғын үйге кезекте 41 мыңнан астам азамат тұр.

Динара Амантай

ПІКІР ҚАЛДЫРУ