Алматының Алатау ауданында балаларға арналған жаңа ойын алаңы ашылды

Нұркент шағын ауданында заманауи балалар ойын алаңын абаттандыру аяқталды. Жобаны Алатау ауданы әкімінің аппараты “Халық қатысатын бюджет” бағдарламасы аясында “EL-KZ 2020″ЖШС мердігерлік ұйымымен бірлесіп іске асырды.

Басты мақсат – тұрғындар үшін қауіпсіз әрі жайлы демалыс, спорт және ойын алаңын құру.

Алаңда ойын кешендері, спорттық тренажерлер, воркаут-аймақ, әткеншектер мен орындықтар орнатылған. Балалардың қауіпсіздігі үшін жұмсақ тартан жабыны төселді, жаңа жарық шамдар орнатылды, әңгімелесетін демалыс аймағы жабдықталды.

Бүгінде нысан толығымен дайын және тұрғындар үшін ашық. Шағынаудан тұрғындары бұл алаңның отбасылық демалыс аймағына айналғанын атап өтті.

“Ойын алаңы – өте әдемі және жайлы. Балалардың қуанышында шек жоқ, әткеншек тебеді, жүгіріп, ойнайды. Болашақта мұндай заманауи демалыс аймақтарының ауданымызда көп болғанын қалаймыз”, – деп жеке ойымен бөлісті “Нұркент” тұрғыны.