Қазақстан көрші елдерге су үшін ақы төлемейді

0
98
Фото: gov.kz

АСТАНА. KAZINFORM – ҚР Су ресурстары және ирригация министрі Нұржан Нұржігітов көрші елдерге су үшін ақы төлеу қажет болуы мүмкіндігіне қатысты пікір білдірді.

«Біз басқа мемлекеттерге су үшін ештеңе төлемейміз. Қазір трансшекаралық өзендер үшін төлем жоқ», — деді Нұржан Нұржігітов Парламент Мәжілісінде тілшілер сұрағына жауап бере отырып.

Оның айтуынша, бұл келісімдер Кеңес Одағынан қалған.

«1992 жылы мемлекет басшылары Кеңес Одағы кезінде болған келісімдерді сақтап қалды. Яғни, бұрынғы уағдаластықтар қалады және біз осы келісімдер аясында жұмысты жалғастырамыз», – деп нақтылады министр.

Айта кетейік, бүгін Мәжілістің жалпы отырысында «Халықаралық су ағындарын кеме жүрмейтін пайдалану түрлерінің құқығы туралы конвенцияны ратификациялау туралы» Заңы қабылданды.

Құжат трансшекаралық өзендерді халықаралық құқық негізінде пайдалануға арналған.

ПІКІР ҚАЛДЫРУ