Балаева Ресейдегі қазақ зиялыларына көмектесуге уәде берді

16-18 қараша аралығында Санкт-Петербургте IX халықаралық мәдени форумы өтіп жатыр. Онда 70-тен аса мемлекеттің делегациясы мәдениет пен өнер саласындағы өзара іс-қимылдың өзекті мәселесін талқылайды.

Форум аясында Аида Балаева өмірі мен шығармашылығы Қазақстанмен тікелей байланысты қазақстандық және ресейлік мәдениет және өнер қайраткерлерімен кездесті. Іс-шараға музыканттар, әншілер, режиссерлер, актерлер, қаламгерлер, мүсіншілер мен суретшілер қатысты.

Жиын басында министр әнші Әлия Кикеноваға «Шапағат» медалін табыстады. Кездесу барысында Аида Балаева Ресейде тұратын қандастарымыздың Қазақстан қалаларының сахнасында өнер көрсетуіне және олардың шығармаларын қазақ оқырмандары арасында кеңінен насихаттауға көмектесуге дайын екенін жеткізді.

Дәурен Ерболат