Болат Назарбаев өмірден озды

0
111
Фото: janaqaz.kz

Болат Назарбаев өмірден озды, деп хабарлайды Kazinform.

Қаралы хабарды Алматыдағы Орталық клиникалық ауруханасы растады.

«2023 жылдың 13 қарашасында сағат 09.51-де Болат Назарбаев қайтыс болды»,- деп хабарлады Президент Іс басқармасы Орталық ауруханасының баспасөз қызметінен.

Сондай -ақ ақпаратты Тұңғыш Президенттің баспасөз хатшысы Айдос Үкібай Twitter-дегі өз парақшасында растады.

«71 жасқа қараған шағында созылмалы ауырудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды»,- деп жазды ол.

Болат Назарбаев 1953 жылы 23 наурызда туған.

1973-1988 жылдары «Шамалған» кеңшарында механик, аға механик, бригадир, директордың орынбасары болған.

1988-1989 жылдары – Қаскелең қаласы нан зауыты директорының орынбасары.

1989 жылдан 1992 жылға дейін кәсіпкерлікпен айналысқан.

«Инкар Агро» ЖШС-ның вице-президенті, BN Invest холдингінің директоры қызметін атқарды.

Сонымен қатар, «Салиқалы ұрпақ» қайырымдылық ұйымын құрды.

Бұған дейін Болат Назарбаевтың ауруханаға түскені және оның жағдайы ауыр әрі тұрақсыз екені айтылған болатын.

ПІКІР ҚАЛДЫРУ