Елордадағы өрт: Зардап шеккен 3 адамның жағдайы ауыр

Елорданың қоғамдық денсаулық сақтау басқармасы газ толтыру стансасындағы ірі өрт салдарынан зардап шеккендердің жай-күйі жайлы ақпарат берді, деп хабарлайды Egemen.kz.
0
22

Ведомство мәліметінше, өрт кезінде 4 адам зардап шеккен. Олар №1 қалалық көпбейінді ауруханаға жеткізілді.

«1995 жылы дүниеге келген науқасты орташа ауыр деңгейде термиялық күйік шалған. 1992 жылы дүниеге келген екі және 1969 жылы дүниеге келген тағы бір пациенттің жағдайы ауыр. Үшеуінде де – үшінші дәрежелі күйік шогы. Науқастарға қажетті бүкіл медициналық көмек көрсетіліп жатыр», деді денсаулық сақтау басқармасы.

Еске сала кетейік, 25 шілде күні сағат 22.05-те 101 пультіне Қобда көшесі, 6 мекенжайында өрт болып жатқаны туралы хабарлама түскен.

Оқиға орнына жедел түрде Нұр-Сұлтан қаласының ТЖД құтқарушылары жіберілген.

ПІКІР ҚАЛДЫРУ