Геннадий Головкин Ұлттық олимпиада комитетінің президенті болып сайланды

0
112
Фото: prosports.kz

 – Есімі әлемге танымал кәсіпқой боксшы Геннадий Головкин Қазақстан Ұлттық олимпиада комитетінің президенті болып сайланды. Ол бұл қызметте Тимур Құлыбаевтың орнын басып отыр. Шешім бүгін ҰОК бас ассамблеясының отырысы барысында қабылданды.

Спорт әлемінде GGG лақап атымен танымал болған Геннадий Головкин шаршы алаңда шашасына шаң жұқтырмай, әуесқой да, кәсіпқой да бокста өзінің ұрыс мәнерімен, ерекше стилімен миллиондаған жанкүйердің сүйікті спортшысына айналған.

бокс
Фото: instagram.com/gggboxing

«Әкем – орыс, шешем – кәріс, ал өзім – қазақпын» дейтін Геннадий Головкин 1982 жылдың 28 ақпанында Қарағанды қаласында дүниеге келген. Ол тұрған Майқұдық ауданы сол уақыттарда қылмыс өршіп тұрған қауіпті аймақ саналатын. Дәл осы жайт бала Генаның спортпен айналысуына да себеп болғандай.

Геннадий Головкин
Фото: Kazinform

Ол әуесқой бокста 350 жекпе-жек өткізіп, оның 345-інде жеңіске жетті. Еш уақытта нокаут тұрмақ нокдаунға да түсіп көрген жоқ. Геннадий әуесқой бокста Азия, Әлем чемпионаттарында топ жарды. Алайда, Олимпиада чемпионы бола алмады, күміс медальді қанағат тұтты. Ол 2004 жылы Афинада өткен Олимпиада ойындары болатын. Дәл осы жазғы ойындарға Головкин қазаққа үнемі алтын медаль сыйлап келген 69 келі салмақ санатында баруы тиіс еді. Дегенмен, ол 75 келіге ауысып, ал 69 келі салмақта ел үміті Бақтияр Артаевқа артылған болатын. Осы олимпиадада Бақтияр Артаев чемпион атанса, Геннадий Головкин күміс жүлдегер атанды. Дегенмен, әлі күнге дейін дәл осы жекпе-жекке қатысты дау көп. Көпшілік Геннадийдің сол уақытта ресейлік Гайдарбек Гайдарбековтен жеңілмегенін айтады. Генаның өзі де сол жекпе-жекте жеңілмегендігіне сенімді.

Головкин
Фото: olympic.kz

«Мен Азия, Әлем ойындарының чемпионы болдым. 2004 жылы Афинада өткен Олимпиада ойындарының алтын медаліне лайықты болдым деп санаймын. Дәл сол уақыттағы жайт әуесқой бостан түңіліуіме себеп болды», – деген еді сол жекпе-жекке қатысты спортшы L’Equipe басылымына берген сұхбатында.

Геннадий Головкин футболдан Қазақстан ұлттық құрамасын жеңісімен құттықтады
Фото: ашық дереккөз

Бір жылдан кейін Геннадий Головкин әуесқой спортпен қош айтысып, кәсіпқой боксқа бет бұрды.

Геннадий Головкиннің әуесқой бокстағы жетістіктері:
2000 жыл – жасөспірім арасындағы әлем чемпионатында жартылай салмақта чемпион;
2001 жылы – Шығыс Азия ойындарында жартылай салмақта чемпион;
2002 жылы – Астанада өткен бокстан әлем чемпионатында чемпион;
2002 жылы – Азия ойындарының чемпионы;
2003 жылы – Бангкогте өткен әлем чемпионатының чемпионы;
2004 жылы – Азия чемпионатының чемпионы;
2004 жылы – Афинада өткен Олимпиада ойындарының күміс жүлдегері.

Геннадий Головкин 2005 жылдан бері осы уақытқа дейін кәсіпқой бокста 45 жекпе-жек өткізді.

Головкин
Фото: instagram.com/gggboxing

Оның 37-сін нокаутпен аяқтаса, бір жекпе-жегінде тең түсіп, екі жекпе-жегінде ұпай санымен жеңіліп қалды.

Головкин-Альварес
Фото: instagram.com/gggboxing

Ол кәсіпқой бокстағы алғашқы жекпе-жегін 2006 жылдың мамырында Габор Балогқа қарсы өткізіп, оны бірінші раундта-ақ нокаутқа жіберді. Осыдан кейін Генаның жұлдызды сәті туды.

WBA нұсқасы бойынша орташа салмақта әлем чемпионы атағын 8 мәрте, IBO нұсқасы бойынша орташа салмақта әлем чемпионы атағын 5 рет қорғады. Кәсіпқой бокс тарихында орташа салмақ бойынша нокаут бойынша 89 пайыздық үлеспен бірінші орынға да шықты.

Головкин
Фото: instagram.com/gggboxing

Геннадий Головкин спорттық мансап жолында екінші орта салмақтағы әлемнің абсолюттік чемпионы Сауль Альвареспен үш мәрте кездесті.

Головкин
Фото: instagram.com/gggboxing

Есте болса, 2017 жылдың қыркүйегінде Головкин мен «Канело» кездесуі тең аяқталды. Ал бір жылдан кейін, яғни 2018 жылдың қыркүйегінде Сауль Альварес төрешілер шешімімен Генадан басым түскен болатын. Екі спорт жұлдызының арасындағы үшінші кездесу де отандасымыздың пайдасына шешілген жоқ.

бокс
Фото: instagram.com/gggboxing
Головкин
Фото: instagram.com/gggboxing
Ең бай 20 боксшы
Фото: sports.kz
Геннадий Головкин
Фото: sohood.com

 

ПІКІР ҚАЛДЫРУ