Жезқазған қаласының үш оқушысы XIII республикалық «Ақберен» өнер байқауында шығармашылық қабілеттерін көрсетіп, жүлделі орын мен марапаттарға ие болды, деп хабарлайды Ұлытау облысы әкімдігінің ресми сайты.
Байқау қорытындысы бойынша №3 «Білім-Инновация» лицей-интернатының 10-сынып оқушысы Омархан Нұрсұлтан «Көркемсөз оқу өнері» номинациясында І орынды иеленді.
Аталған білім ордасының 11-сынып оқушысы Нұрсұлтан Майлыбаев «Эссе және әдеби ойлау» номинациясы бойынша грамотамен марапатталды.
Сондай-ақ №8 гимназияның 10-сынып оқушысы Кәусар Байдалы «Ұлттық аспапта ойнау» номинациясында грамотаға ие болды.
Республикалық байқаудағы бұл нәтиже Ұлытау облысы оқушыларының әдебиет пен өнерге қызығушылығын және шығармашылық әлеуетін көрсетеді.