Махмұд Сабырхан Таиландтағы Азия чемпионатының жеңімпазы атанды

Қазақстандық боксшы Махмұд Сабырхан Таиландтағы Азия чемпионатының жеңімпазы атанды.

Махмұд Сабырхан 54 кг салмақ дәрежесіндегі финалда өзбек боксшысы Шахзод Муззафаровпен жұдырықтасты. Үш раундқа созылған тартысты бәсекеде Қазақстан құрамасының боксшысы төрешілер шешімімен (4:1) жеңіске жетті.

Айта кетейік, Махмұд Сабырхан – әлем чемпионы (2023), әлем чемпионатының күміс жүлдегері (2021), Азия чемпионатының күміс жүлдегері (2022).

Бұған дейін тағы бір қазақстандық боксшы Санжар Тәшкенбай (48 кг) финалда өзбекстандық Шодиержон Меликузиевтен төрешілердің шешімі бойынша (1:4) жеңіліп, Азия чемпионатының күміс жүлдегері атанған еді.