Мемлекеттің дамуы ортақ жауапкершілікке байланысты

Еркін күрестен әлем чемпионы Ризабек Айтмұхан әлеуметтік желіде жаңа Конституция жобасына қатысты пікір білдірді. Ол өз сөзінде Қазақ елі жаңа тарихи кезеңнің алдында тұрғанын атап өтті.

«Жаңа Конституцияны қабылдау – тек заңгерлердің жұмысы емес. Бұл барша елдің болашағын айқындайтын мезет. Біз спортта әр белесті бірлік пен тәртіптің арқасында бағындырамыз. Сол сияқты мемлекеттің дамуы да ортақ жауапкершілікке байланысты. Осы орайда референдум – әр азаматтың өз таңдауын жасап, ел ертеңінің жарқын болуына үлес қосатын мүмкіндігі», деп атап өтті спортшы.

Сондай-ақ ол өз оқырмандарын 15 наурызда өтетін республикалық референдумға бір кісідей қатысуға шақырып, әр дауыс маңызды екенін еске салды.