Шымкентте 1 мыңнан аса адам көлікті заңсыз жүргізген

0
129
Фото: Halyq Uni

Сот шешімімен олардың 37-сі көлік басқару құқығынан айырылды

Шымкент қаласының прокуратурасы көлік жүргізуге медициналық қарсы көрсетілімдері бар 1мың 268 адамды анықтады, деп хабарлады Halyq Uni тілшісі.

Ведомство өкілдерінің мәліметне сәйкес, олардың көпшілігі психоактивті заттарды қолдану және жүйке жүйесі аурулары бойынша диспансерлік есепте тұрады.

2022-2023 жылдары олар 1 мың 300-ден астам жол қозғалысы ережесін бұзып, 28 жол-көлік оқиғасын жасаған. Көліктердің зақымдануы салдарынан зардап шеккендерге материалдық шығын келтірген. Аталған тұлғалардың жүргізуші куәлігін иеленуі заң талаптарына қайшы келуіне байланысты прокуратураның актісі бойынша бүгінде сот шешімімен 37 тұлға көлік басқару құқығынан айырылды, – делінген хабарламада.

Қазір қалғандарына қатысты да тиісті шаралар қолданылып жатыр.

Динара Амантай

ПІКІР ҚАЛДЫРУ