Жүсіпбек Елебеков атындағы Республикалық эстрада-цирк колледжіне — 60 жыл

Биыл Жүсіпбек Елебеков атындағы Республикалық эстрада-цирк колледжі өзінің 60 жылдық мерейтойын атап өтті. Мерейтой аясында Алматыда салтанатты концерттік бағдарлама ұйымдастырылды.

Кеш барысында колледждің түлектері мен студенттері сахнада өнер көрсетті. Концерт бағдарламасында дәстүрлі және заманауи бағыттағы музыкалық нөмірлер, би қойылымдары мен цирк өнерінің элементтері үйлесім тапты.

Алпыс жыл ішінде оқу орны кәсіби әншілерді, актерлерді, музыканттар мен цирк әртістерін даярлап шығарды. Бүгінде олардың көпшілігі еліміздің мәдени өмірінде белсенділік танытып, Қазақстан өнерінің дамуы мен өркендеуіне елеулі үлес қосып келеді.