5 сәуірден бастап тіркелмеген мопедтерді пайдалануға болмайды

Ішкі істер министрлігі осы жылдың 5 сәуірінен бастап тіркелмеген мопедтерді пайдалануға тыйым салынатынын ескертті.

Сонымен қатар, мопедтерді жүргізуші куәлігінің А1, А немесе В санаттары болған жағдайда ғана басқаруға болады.

Азаматтарға ыңғайлы болу үшін ІІМ мен «Азаматтарға арналған үкімет» мемлекеттік корпорациясы» КЕАҚ ХҚКО-лардың жұмыс кестесін өзгертті.

Енді мопедтерді тіркеу үшін құжаттарды жұмыс күндері сағат 19.00-ге дейін, сенбіде сағат 14.00-ге дейін тапсыруға болады.

Бүгінгі таңда 17 мыңға жуық мопед тіркелген.

Азаматтарды осы рәсімді соңғы күнге кейінге қалдырмауға шақырамыз, өйткені ХҚКО-ларда кезекте тұрып қалу немесе тіркелмеген мопедті пайдаланғаны үшін айыппұл алу қаупі бар.