Батыс Қазақстан облысында төтенше жағдай режимі жарияланды

Батыс Қазақстан облысында су тасқынына байланысты төтенше жағдай режимі жарияланды.

Сырым, Теректі, Қаратөбе, Бөрлі аудандарында тұрғын үйлерді су басты. Қазір аудандарда қауіпсіздік шаралары күшейтілді.

Орал қаласындағы Шаған және Деркөл өзені де тасып кетуі мүмкін. Бұл жерде де жағдай өте қауіпті болып тұр. Сондай-ақ Жайық өзенінде су тасу қаупі бар.

Қабылданған шаралардың нәтижесінде 4 мыңға жуық адам эвакуацияланды.

Батыс Қазақстан облысының әкімі Нариман Төреғалиев зардап шеккендердің әрқайсысы мемлекет тарапынан берілетін көмектен қалыс қалмайтынын айтты.